Categoría: <span>Beldur Barik Lehiaketa (NO MARCAR)</span>

AURTEN… SARI BANAKETA ETA SINOPSI LEHIAKETA

Koronabirusa dela eta aurten ezin dugu Topaketarik antolatu, aurreko urteetan egiten genuen bezala. Baina Sari-Banaketa berezia antolatuko dugu, streaming bidez jarritu ahal izango duzuena zuzen zuzenean.

Hau da plana: Nerea Arriola aurkezleak irabazleak izendatuko ditu eta euren lanak proiektatuko dira, bitartean Nogen musika taldeak girotuko du banaketa, eta Beatriz González Rojo ilustratzaileak zuzenean marraztuko du photocall handi bat.

Sari-banaketaren data eta ordua: azaroaren 20an, arratsaldeko 17:00etan. Streaming bidez ikusteko aukera eskainiko dizuegu, gure Youtube kanaletik zehar.

Baina adi, izan ere, aurten Sari-Banaketara Beldur Barik lehiaketaren irabazleak eta Sinopsi-Lehiaketaren irabazleak bakarrik joan ahal izango dira.

Eta zer da SINOPSI LEHIAKETA???

Urte berezi honetan, plus bat gehitu nahi izan diogu Beldur Barik 2020 lehiaketari, eta sare soziletan Sinopsi-lehiaketa aurrera eramango dugu. Izan ere, zuen bideoen gaietan pentsatzen hasi beharko zineten jada

Ba al dakizue zertaz hitz egingo duzuen bideoan? Ze gai landuko duzuen?

Bideoaren argudioa argi baduzu: idatzi zure sinopsia eta parte hartu Sinopsi-Lehiaketan.

Ez baduzu argi: pentsatu, idatzi zure gidoi laburra eta parte hartu Sinopsi-Lehiaketan.

Ez bota ideiarik zakarretara, askotan burura datozkigun lehen burutazioak izaten direlako onenak.

ZER EGIN BEHAR DUZU SINOPSI-LEHIAKETAN PARTE HARTZEKO?

Zure testuak lehiaketan sartzeko izan behar dituen irizpideak:

Beldur Barik jarrera erakusten duen testu bat izan behar da, hau da, kultura matxista eta indarkeria sexistaren adierazpenak eraldatzeko konpromiso pertsonal zein kolektiboa erakutsi behar du istorioak. Alegia, neska eta mutilek ezberdintasun egoerei nola egiten diegun aurre erakustsi behar duzu.
Erakargarria eta ulergarria izatea.
Istorioan argi eta garbi garatzea indarkeria sexistari aurre egiteko modua.
Gehienez 200 hitz izan behar ditu sinopsiak.
Bidali zure testua komuniazioa@beldurbarik.eus helbidera, «Sinopsi lehiaketa» edo «Concurso de sinopsis» gaiarekin.
Testua bidaltzeko epe-muga urriaren 1etik 22ra.

Urriaren 27an argitaratuko dugu irabazlearen izena gure sare sozialetan.

Saria: azaroaren 20an Donostian egingo den Sari-Banaketarako bi sarrera eta Nogen taldearen bi disko sinatuak.

Eta gogoratu garrantzitsuena BELDUR BARIK JARRERA erakustea dela.

Beldu Barik Jarrera, Beldur Barik Lehiaketa (NO MARCAR), Berriak argumentuak, Beldur Barik, Beldur Barik Jarrera, sinopsi lehiaketa, testu lehiaketa

13/10/20

BELDUR BARIK ERMUA 2020

Hemen da Ermuko Beldur Barik Tokiko 2020 Lehiaketa! 12 eta 26 urte bitarteko ermutarra bazara erakutsi zure Beldur Barik Jarrera bideo baten bidez eta animatu lehiaketan parte hartzera!

Irakurri ondo Ermuko Tokiko Lehiaketako Oinarriak.

LEHIAKETARA AURKEZTEKO EPEA

Lanak lehiaketara aurkezteko epea 2020ko irailaren 14an irekiko da, goizeko 08:00etan, eta 2020ko azaroaren 5an itxiko da, gaueko 23:59etan.

ERMUA BELDUR BARIK 2020 TOKIKO SARIAK

Ermuak bere BB lehiaketa propioa antolatzen du, sari bateragarriekin. Ermua Beldur Barik 2020 sari gehigarriak:

1. Mailako saria (12-13 urteko partaideei): 300

2. Mailako saria (14-18 urteko partaideei): 300

3. Mailako saria (19-26 urte bitarteko partaideei): 300

Ermua Beldur Barik Tokiko lehiaketaren antolaketa:

Ermuko Udaleko Emakumeen eta Gizonen Berdintasunerako Sailak Beldur Barik programa antolatzen eta ezartzen du. Bertan, tokiko lehiaketa txertatzen da.

Informazio gehiagorako:

www.ermua.es

Emakumeen Topalekua.

Tfnoa: 943 171 030

casadelamujer@udalermua.net

Lehiaketa lokalak 2020 2020, Beldur Barik, Ermua, LEHIAKETA LOKALA

19/10/20

BELDUR BARIK BASAURI 2020 TOKIKO LEHIAKETA

Iepa Gazte! Martxan da Tokiko Beldur Barik Lehiaketa! Begiratu hemen aurtengo oinarriak.

LANAK LEHIAKETARA AURKEZTEKO EPEAK

Lanak aurkezteko eta jasotzeko epea 2020ko irailaren 14an irekiko da, goizeko 08:00etan, eta 2020ko azaroaren 5an itxiko da, gaueko 23:59etan.

TOKIKO LEHIAKETAKO SARIAK

Basauriko lehiaketara urkeztutako lanek, azaldutako baldintza guztiak betetzekotan,aukera izango dute bai Lehiaketa Orokorrean baita Basauriko 2020ko Lehiaketa Lokalean ere parte hartzeko.

1. Kategoriako SARIA (12-13 urte): 300
2. Kategoriako SARIA (14-18 urte): 300
3. Kategoriako SARIA (19-26 urte): 300

TOKIKO EPAIMAHAIA

Basauriko 2020 Lehiaketa Lokalaren epaimahaia zehaztutako udalerriko emakume mugimendu eta mugimendu feministarekin lotura duten gizarte-eragile esanguratsuek osatuko dute.

ERAKUTSI EZAZU ZURE BELDUR BARIK JARRERA ETA IRABAZI!

Beldur Barik Lehiaketa (NO MARCAR), Lehiaketa lokalak 2020 Beldur Barik, Tokiko Lehiaketa Basauri 2020

06/10/20

«Egidazu sandwich bat»

Gamer batek idatzitako testua

Jokuen kulturan, inoiz diskriminazio-ekintzarik jasan edo ikusi ez duenak, online eta ezezagunekin jolastu ez duelako da. Online bideojokoena aparteko mundua da, legerik gabeko unibertso bat.

Batez ere talde-joko lehiakorretan, hala nola, CS:Go, Overwatch, Valorant edo League of Legends, batzuk aipatzearren. Erabiltzaile batzuk benetan toxikoak dira, imjina ezina da. Emakumea izanda ahots-txata erabiltzea probokazio bat dela dirudi: «Itzuli sukaldera», «Egidazu sandwich bat», «Baduzu senargairik?» Edo zuzenean «putak», «Isildu hadi, guarra», era guztietako sexu-intsinuazioak… Inor harritzen ez duten irainak dira.

Jolas horietako batean izan nuen azken esperientzian, ez nuen hitz egin beharrik ere izan. Lagun batekin jolasten nengoen, beste hiru talderen konra. Dena ondo zihoan haietako batek nire erabiltzaile-izenari erreparatu zion arte: «Badakit neska zarela», dena esanda zegoen. Komentario matxistak egiten hasi ziren, baina batek badu esperientzia halako iruzkinen aurrean. Asertiboa izaten saiatu nintzen, eta ez entzuna egin nuen, «mutilak, goazen jolastera». Ez zeuden gogoz, eta hurrengo fasera pasa behar izan nuen: erabiltzaileak isiltzera.

Oraindik ikus nitzakeen beraien pertsonaiak nire pantailara sartzen eta keinuka, baina benetan larritu nintzen nire lagunak haien kontra gogor egin zuenean. Ez dut inoiz ikusi haserre, ez dut jakin nahi zer nolako komentarioak egin zituen nik entzuten ez nuen bitartean. Hiru pertsona horien erantzuna? «SIMP».

Simp modako memea da, emakume bat defendatu eta trukean onura sexualak lortzen dituen gizon otzan eta leloari esaten zaio. Emakume bat online defendatzera ausartzen den edozein gizoni izen ona kentzeko aitzakia da.

Horrelako jokoek zigortu egiten zaituzte partida amaitu aurretik taldea uzten baduzu, eta hori irabazi edo galtzeko baldintzatzaile izan daiteke kasu batzuetan. Nire lagunari ere isiltzeko eta jolasten jarraitzeko eskatu nion, beraz. Jakina, honek ezin zuen hor amaitu. Entzuten ez geniela konturatu zirenean, «Body-blocka» egiten hasi ziren, beren pertsonaiak nirearen inguruan jarriz txanda bakoitzean, ni ez mugitzen uzteko. Nik ezin nuela jokatzen jarraitu erabaki zuten. Partida galdu genuen, baina hori gutxienekoa izan zen. Jokatzeko gogoa ere galdu genuen, beraz, haiek irabazi zuten.

Sare sozialetan bezala, pertsona horiek anonimotasunean eta momentuko iheskortasunean oinarritzen dira, toxikoak eta matxistak dira, «trollatzen ari dira». Eta ez dago aitzakiarik.

Beti aurkituko duzu jarrera horiek defendatzen dituen norbait: «Gizonak ere zirikatzen dituzte», besobakar, gaizto, jolasten ez dakitela esaten diete. Dena den, komentario hauetan eta besteetan ezberdintasunik ikusten ez baduzu, arazoaren parte zara.

Eta, jakina, badago biktimari errua botatzen dionik ere: «Baina nola bururatzen zaizu modu irekian hitz egitea? Badakizu zer gertatuko den! «,» abatarra eta nick-a aldatu beharko zenituzke, neska zarela igartzen baita «. Horrela ez gaituzte babesten, ikusezin bihurtzen gaituzte.

Emakume gisa izan dudan esperientzietako bat besterik ez da hau, baina denetarik ikusi dut. Emakumeen, transexualen, homosexualen, hitz egiteko zailtasunak dituzten pertsonen eta haurren aurka. Diskriminazioa eta indarkeria matxista gai-zerrendan dago online munduan ere.

Defenda zaitezke. Zure aliatuak isiltzeko eta erabiltzailea salatzeko botoiak daude. Lagun artean jokatzen baduzu, anima zaitezte ere salatzera. Eta baliabideak baldin badituzu, grabatu erasoak, erakutsi sare sozialetan, etiketatu jokoa eta konpainia arduraduna. Asko dira, eta gero eta gehiago, jarrera horiengatik etengabe baneatutako erabiltzaileen kasuak. Baina ez dira nahikoak gure helburua bete arte: toxikoak eta matxistak ez diren eta diskriminaziorik ez duten komunitateak lortzea.

GAI HONETAN SAKONTZEKO

Valorant ya tiene un gran problema de sexismo y Riot Games busca cómo solucionarlo

Quién era Maria «Remilia» Creveling de League of Legends

La homofobia, el machismo y la misoginia: una lacra para los esports y los videojuegos

A fregar

Autodefentsa feminista, Beldu Barik Jarrera, Bloga, Boletinak, Erantzukizun kolektiboa, Erantzunkidetasun

20/08/20

BASAURIKO TRATU ONEN MAPA

Gazte basauriarrak Tratu Onen Mapa eratzeko lanean hasi dira. Ezagutzen al duzu? Basauriko Marienea emakumeen etxeko Batera Bikain programak aurrera atera duen proiektua da.

Herri honetako emakumeek aurretik bi mapa egin dituzte. 2002.urtean Basauriko Hiria Kolektiboak neska gazte talde batzuekin batera «Emakumeentzako Hiri Debekatuaren Mapa» sortu zuen, eta bertan identifikatu zituzten, herritik zehar ibiltzerakoan, bereziki gauez, beldurra sentitzen zuten lekuak. 2011.urtean, Zaida Fernándezek Mapa de las Huellas de las mujeres en Basauri lanarekin herriko emakumeen memoria kolektiboa berreskuratu eta ikusarazi zuen. Hamarkada baten ostean, hirugarren mapa honen helburua herriko pertsona guztiak eroso, seguru eta aske sentitzen diren espazioen sarea sortzea da.

Gustatuko litzaizuke parte-hartzea?

Gazteen esku dago mapa hau pixkanaka osatzen joatea. Kalean daudenean konfiantza ematen dien espazio seguruak identifikatuko dituzte. Beraz, espazio seguruak, feministak, LGBTIQ+ guneak… batuko ditu mapak. Giza eskubideak eta aniztasuna errespetatzen duten lekuak egongo dira bertan.

Beraz, Basaurikoa bazara, edo bertako gazteak ezagutzen badituzu, helarazi iezaiezu ekimen hau, ez daitezela proiektu honetan parte hartu gabe geratu!

Klikatu hemen nola parte hartu jakiteko, oso erraza da eta hau martxan dago!

Gora Basauri!

TRATU ONEN MAPAN EGOTEKO BETE BEHARREKO IRIZPIDEAK:

Zu zeu zarena izateko eskubidea duzula sentitzen duzu. Berdin du zein den zure orientazio eta identitate sexuala, etnia, adina, interes politiko eta erlijiosoak.
Edozein egoera edota edozer gauza bizi arren, espazio honetara laguntza eske jo dezakezu.
Zu zeu izan zaitezke! Ez duzu zure jarrera aldatu behar eroso sentitzeko.
Giza eskubideak defendatzen dira. Munduko edozein tokitako pertsonak izateagatik guztiok merezi ditugun eskubide unibertsal horiek defendatzen dira.
Inklusioa benetakoa eta kontzientea da. Pertsonen aniztasuna errespetatzen da eta balioa ematen zaio. Adin desberdinak, larruazalaren kolorea, jatorriak, sexualitateak ondo hartzen dira.
Kokapen egonkorra du.
Aniztasun Funtzionala eta organikoa duten pertsonentzat egokituta dago, hala nola bainugela egokituak, arrapala sarreran, zeinu-hizkuntza itzultzea, itsuentzako irakurketa-idazketa, etab.
Espazio segurua eta konfiantzazkoa izatea sustatzen da, herritarrak eroso, seguru eta aske sentitzea du xede.
Herriko beste espazio batzuekin aliantzak sortzen dituen eta sare komunitarioa sortzea bilatzen duen espazioa da.
Matxismorik gabeko espazioa da.
Borroka feminista aldarrikatzen duen espazioa da.

Basauri, Beldu Barik Jarrera, Bloga, Zure Herria euskaraz

05/08/20

BIKINI BELDUR BARIK OPERAZIOA

Udaberri osoa konfinatuta egon gara, ez ditugu gure lagunak ikusi, munduko pandemia baten parte izan gara eta… etengabe entzun ditugu egoera horren ondorio larriak: GIZENDUKO GARA!

Alde batetik, konfinamenduaren aurreko (argalak) eta ondorengo irudiak (lodiak), gorputz potolen bideoak elkar partekatu ditugu. Horrez gain, influencer batzuk barkamena eskatu dute aurten «bikini-gorputzarik izango ez dutelako»…

Eta orain, uda heldu da, hondartzan lagunekin bainatu gaitezke, crush hori berriro ikusiko dugu… dietei buruzko iragarkiak ikusten hasi gara, gosea kentzeko pastillak, eta hori gutxi balitz, zure ama eta zure lagunak dietan hasi dira. Argh! 24 ordu horrekin!

Urtero berdin gaude, baina zergatik ematen du neskek beti «perfektu» egon behar dugula? Besteei bizitza/bista alaitzeko jaio al gara? Eta zer da apaindu behar izate hori? Zikin al gaude? Hautsita al gaude?

Ziur mutilei entzun diezula ikaskideren baten gorputzari buruzko aipamenak egiten (objektu bat balitz bezala). Askotan guk geuk ere beste nesken gorputzei buruzko kritikak egiten ditugu, gure artean txikikeriaren bat dagoenean. Egunero, gure gorputza nola aldatu esaten diguten mezu pila bat jasotzen ditugu, presio estetikoa izugarria da, eta normala da gure artean alderatzea, gure influencer gogokoenen argazkiak ikustean gure autoestima jeistea edo gure gorputza ez dela behar bezain polita edo desiragarria birplanteatzea.

Normalean, gorputz perfektua irudikatzen dugunean, edertasun oso konkretua irudikatzen dugu. Emakume gazteak, zuriak, dibertsitate funtzionalik gabeak, brontzeatuak, altuak (baina ezta ere gehiegi), gehienetan ilehoriak, oso argalak, baina aldi berean ipurdia, titiak handiak dituzrela, eta abar luze bat. Eta ni nolakoa naiz? galdetzen diogu feure buruari.

Zer gertatzen da gure gorputza iragarkietan edo sare sozialetan agertzen denarena bezalakoa ez bada? Zer gertatzen da moldeak hausten baditu?

Gorputz guztiak dira politak eta desiragarriak, izan ere, gustuak mota askotakoak dira! Utz diezaiogun estereotipoak erreproduzitzeari eta utzi gorputzak taburik gabe bizitzen!

Gozatu zeure gorputzaz, jantzi nahi duzun bezala, mugitu bootya eta dantzatzera! Zuk markatu zeure arauak! Eta gogoan izan zure gorputza estetika baino askoz gehiago dela, egunero zutik mantentzen zaituena dela, mendi batera igotzen zaituena, eguzkiaren beroaz eta itsasoaren lasaitasunaz gozatzen duena.

Estereotipoekin hautsi eta Beldur Barik bizitzaz gozatu nahi dugulako…

Hautsi ditzagun moldeak!

Utz diezaiogun gure edo besteen gorputzak erasotzeari eta zigortzeari.
Ez egin zure gorputzari buruzko komentario iraingarririk. Zure gorputzaz gaizki hitz egiteak boomerang efektua du, eta zure inguruko pertsonengan segurtasunik eza eragin dezake.
Defendatu zure lagunak mutilek haiei buruz objektu gisa hitz egiten dutenean.
Bikini edo hondartzako gorpuak defendatu. Bikinirik baduzu? Hondartzara zoaz? Hortaz, baduzu hondartzako gorputz bat!

Neurri, forma eta kolore guztietan gatozelako, eta denak berdinak izango bagina bizitza oso aspergarria izango litzatekeelako! Imajinatzen duzu denok molde beretik aterako bagina? Kopia berdinak bata bestearen atzetik?

Udako tip-ak!

Nahi duzulako egin kirola, eta ez gizentzeko beldurrez zaudelako! Gozatu endorfinen txutea, eta ez erre den kaloria kopurua.
Zaindu zeure burua barrutik eta kanpotik. Saihestu gosea pasarazten dizuten eta debekatutako janariak ezartzen dizkizuten dietak. Izan zaitez fidel zure beharrekin eta ez ezarritako arauekin, inork ez du zure gorputza zuk baino hobeto ezagutzen! Ulertu zer sentitzen duzun ondoen, fisikoki eta mentalki.
Identifikatu zure gorputzari egiten dizkiozun kritikak eta gainerakoekin egiten dituzunak. Zergatik kritikatzen dugu gure gorputza edo gainerakoena? Zer adierazi nahi dugu?
Zeuren buruarekin konplexuren bat duzula nabaritzen duzuenean eta eguna tristetzen ari bazaitu horrek: Idatzi nola sentitzen zaren. Zergatik sentitzen zara horrela? Zergatik etorri zaizkigu burura pentsamendu horiek?
Eta gogoan izan beti: merezi duzula maitatua eta desiratua izatea.

«Normaltasun berri bat» nahi dugulako, iraganeko araurik gabe, denok sartzen garen normaltasun berri bat.

Aurten Bikini Beldur Barik operazioa!

GAI HONETAN SAKONTZEKO:

Ahalduntzea, Beldu Barik Jarrera, Bloga, Boletinak, Gorputzak

28/07/20

ONDO MAITE

«Nik esaten dizudana da ondo maitatu behar zaituztela, ez asko edo gutxi«, esan zidan amak maitemintze horiekin hasi nintzenean.

Asko gustatzen zitzaidan nire klaseko edo ostiraletan kantxa berean entrenatzen zuen beste talde bateko norbaitekin amets egitea. Goizero irribarre batekin jaikitzea lortzen zuen pertsona berezi harengan pentsatzen eman nahi nituen orduak. Norbaitekin maitemintzen nintzenean sentitzen nuen nerbioei buruz hitz egitea gustatzen zitzaidan. Egia da, halaber, bi astero pertsona ezberdin batekin maitemintzen nintzela eroki, nigan interesik ez zutela ikusi orduko, pertsonaz aldatzen nuen.

Baina, lagun, gaizki pasatzen nuen. Orduan hasi zen ama moskeatzen, maitasun erromantikoa oso lotuta baitago mina erromantizatzearekin, eta horrek ezin du horrela izan.

Pentsamenduak lausotzen zitzaizkidan. Harreman horietan joaten zitzaizkidan indar guztiak, pentsatzen nuen agian neu nintzela gertatzen zitzaizkigun gauza txarrak aldatzeko arduraduna, norbait zoriontsu izan zitekeela nire ondoan. Nire lagunek egun bat gehiago pasa zezaketela ni ikusi gabe. Nire ikasketak ez zirela hain garrantzitsuak.

Harremanak guztiaren gainetik jartzen nituen. Esku artetik ihes egiten zitzaidan kontua.

Hori diot, azterketen gainditzeak eta suspentsoak, laneko akatsak eta asmatzeak oso lotuta egon baitira nire maitemintzeekin.

Eta horrek ezin zuen horrela jarraitu. Amak oso ondo esan zidanez, ondo maitatu behar gaituzte eta ondo maite behar dugu jendea eta baita geure burua.

Pixkanaka ikasi dut zer den harreman osasuntsua izatea. Ezer aldatzen saiatu gabe, dena da erraza pertsonek ondo elkar maite dutenean. Horrek harreman afektibo guztietarako balio du; familia, lagunak, animaliak…

Batez ere, neure burua zaintzen ikasi dut. Neure buruaren gainetik ezer ez dagoela ikasi dut.

Orain badakit nire lagunak nire lorategiko babeslekua direla, ureztatu eta zaindu behar dudan lorategia, loreak indartsu hazten jarrai dezaten.

Jada, ez dut uste nire jendeak dena jasan dezakeenik, ez.

Maitemintzen jarraituko dut, baina modu egokian. Pelikuletan erakutsi diguten maitasun erromantiko toxiko horretatik bereiziko dut, modu kontzientean egiteko, nire bikotekideak eta bidaia-lagunak zainduz.

Has gaitezen behingoz ondo maitatzen!

Eskerrik asko ama!

IRAKURKETA INTERESGARRIAK:

Maitasun erromantikoaren mitoak.

Genero indarkeria eta maitasun erromantikoa.

BIDEO INTERESGARRIAK:

Eneko Sagardoy: Laranja osoa.

Nola maite behar dugu feministok?

Amodio erromantikoa, Beldu Barik Jarrera, Bikote harremanak, Bloga, Boletinak, Feminismoa-Aktibismoa, Maitasuna Beldur Barik Jarrera, feminismoa, maitasun erromantikoa

13/07/20

HILEKOAK MIN EMATEN DIT

Mina, deserosotasuna, mina, usaina, mina, ondoeza, deserosotasuna, mina, «buffff-a», mina

Horiexek izan dira 30 urtetik beherako hogei bat neskari burura etorri zaizkien lehen hitzak, hilekoa entzutean. Beno, «zikloren» bat eta «ilargiren» bat ere aipatu dira (itxaropena badagoela dirudi).

Ez al da bitxia hilekoa dugun pertsonok hilero behin, gutxi gorabehera, hainbeste gogaitzen gaituen gertaera fisiko hau izatea, eta hain lasai egotea?

Ei! hilean behin hileko aaaaaasko dira gure bizitzan zehar (450 inguru).

Nolatan ez gara ari zerua eta lurra mugitzen horri irtenbidea bilatzeko????

Ba, ibuprofenoak hartu eta ez dugu oso ozen hitz egiten, ez gara kexatiegiak izango. Ez da ahultasuna erakusteko momentua. Egokitu zaiguna da, eta kitto. Guztiarekin Aurrera egin dezakegu. Show must go on.

Gainera, horretaz ez da hitz egiten. Ez behintzat naturaltasun handiz. Tanpoi eta konpresen lau iragarkik, benetako esperientzietatik abiatu beharrean, hodei eta likido urdinezko mundu bat saltzen digute, eta usainik ez hartzea eta ia ez nabaritzea lor dezakegula espero dugu. Ez ikusiarena egin.

Eta horrela, komunera joateko poltsatik ateratzen dugun konpresa asko ikus ez dadin ahalegintzen gara, kontu handiz ibiltzen gara galtzak ez zikintzeko, eta hobe dugu etxean geratzea hilekoa jaisten zaigun egun horretan, «bola zomorroa» bagina, ez gaitezen koadrilanfestaren tristura izan.

Eta, jakina, barre egiten jarraitzen dute lagun arteab baten batek esaten duenean: «joe, aizu, badirudi hilekoa duzula». Hori nesken kontua da.

Ba, begira, esaldi hauek guztiak patriarkatuaren gauzak dira.

Gizarte honetan oraindik ere, emakumeon gorputzekin zerikusia daukan guztia ikusezin edo negatibotzat hartzen da, eta emakumeok gaizki badaramagu asuntoa, gure arazoa dela sinestarazten digute.

Ba aizu, ba al dakizu zer?

EZ, EZ DA NORMALA MIN EMATEA ETA HAINBESTE MOLESTATZEA.

EZ DA NORMALA GURE GORPUTZEI BURUZ HAIN GUTXI JAKITEA.

EZ DA NORMALA HILEKOA EXISTITUKO EZ BALITZ BEZALA EGITEA.

Zer iruditzen zaizu horri buelta bat ematen saiatzen bagara? Elkarrekin, noski. Hona hemen hiru gako:

1. EZ DA HILEROKOA, ZIKLO BAT DA.

Batzuek esaten zuten bezala, hilerokoak, ilargiak bezalaxe, «zikloekin» zerikusia du.

Ez dugu soilik X egunetik behin odolusten (psssss ez dira beti 28 egun izaten!), baizik eta hainbat fasetatik igarotzen gara: hilekoa, aurreobulazioa, obulazioa eta hilero-aurrekoa.

Pixka bat gehiago jakiteko:

La Regla, la píldora y otras cosas que no nos han contado. Psico Woman con Enriqueta Barranco.

Espacio de desaprendizaje. Iratxe Gil. Psicóloga, sexóloga y educadora menstrual.

Menstruar consciente. ¿Qué aporta conocerse? Pikara Magazine.

Las reglas sagradas. Psico Woman | VERNE.

Gai honetan sakontzeko:

Ikusi Monthlies Diana Fabianovaren dokumentala, 2016 (nerabeentzako)

Ikusi La luna en ti, Diana Fabianovaren dokumentala (2010)

Erika Irusta, hilekoaren pedagogoa:

2. KOPA EZAGUTZEN AL DUZU?

Hilekoarentzako kopa edo baginakoa deritzona, konpresak eta tanpoiak baino aukera osasungarriagoa, ekologikoagoa eta merkeagoa da.

Gainera, gure gorputzarekin kontaktuago egoteko tresna bat ere bada: ikusi, usaindu, ukitu dezakezu.

Pixka bat gehiago jakiteko: La copa menstrual | Psico Woman.

3. AUKERATZEKO INFORMAZIOA. AHALDUNTZEKO AUKERATZEA!!!

Hitz egin dezagun hilekoari buruz, partekatu ditzagun esperientziak eta informazioa.

Ahalduntzea, Autodefentsa feminista, Beldu Barik Jarrera, Berriak, Bloga, Gorputzak, Gorputzak eta edertasuna, Sexismoa eta diskriminazioa Beldur Barik Jarrera, Gaiak, gorputzak, hilekoa, zikloa

16/12/20

EKAINAK 28

Emakume feminista gazte baten bizipenak eta harrotasuna

16 urte ditut, eta Maialeni, nire lagun onenari, kontatu diot azken aldian Oihanek urduri jartzen nauela, Historiako klasean pixka bat aurrerago esertzen den neskak. Baina urduritasun ona, hau da, gustatzen zaidala. Begiratzen diodanean oso politta iruditzen zait eta esaten duen guztia oso interesgarria da, emakume argia da; baina «zer esan nahi du urduritasun honek? Oihanek erakartzen nau edo emakumeek erakartzen naute?, galdetzen diot nire lagunari eta berak erantzuten dit: «Zer axola du horrek?. Niri gehiago kostatu zitzaidan gogoeta horretara iristea.

Urteak joan eta urteak etorri, nire sexu-orientazio heterosexualarekin jarraitzen dut, bi urte daramatzat nire mutil-lagunarekin harremanetan, eta momentuz, ez nau emakume batek erakarri Oihanek egiten zuen bezala. Bapatean, unibertsitateko autobusean berriro ikusten dut, eta hara! Asko gustatzen zaidala berresten dut. «Zer gertatzen da hemen?» galdetzen diot neure buruari berriro.

Donostiatik Bilbora egiten dut salto, eta nolako salto ederra gainera! Imajinatzen ez ditudan aukerak agertzen zaizkit begi aurrean. Emakume feministak ezagutzen ditut, emakume lesbianak, identitate ez-binarioa duten pertsonak, eta aurretik planteatu ere ez ditudan aukera amaigabeak agertzen zaizkit. Jakina, nire institutuan ia denak heterosexualak ziren (edo hori uste nuen nik behintzat) eta ordura arte ez nuen nire orientazioa planteatzeko aukerarik izan. Gerora heteronormatibitatea zer den ikasi dut.
Bilbon nagoela, izateko, sentitzeko eta bizitzeko modu gehiago badaudela konturatzen naizenean, aukera berriak bizi nahi ditut, eta lesbianen lehen gaualdi poetikora apuntatzen naiz. Bertan, neska batek sakon begiratzen nau eta tonu bereziarekin garagardo batera gonbidatzen nau. Niri hankak dardarka jartzen zaizkit. Atzera begiratuz, LGBTIQ+ kolektiboan murgildu nintzenetik gogoratzen dudan unerik gozoenetako bat da momentu hura.

Gaur, 2020ko ekainaren 28an, Harrotasunaren aldeko manifestaziora noa Bilbon. Bost urte daramatzat harreman sexual-afektiboak izaten emakumeekin, eta 4 dira gaurko egun honetan harrotasun amaigabearekin bizi ditudan manifestazioak.

Baina gaur galduta nago berriro. Oso lesbiana nintzen, bollera, zin dagizuet, eta ez nuen imajinatzen gizonekin harremanak berriro izango nituenik. Baina gizon batekin maitemindu berri naiz, beraz, armairutik irten eta berriz ere arazoren bat edo beste sentitzen dudan arren, oso ZORIONTSU naiz. Pozik nago aske sentitzen naizelako, nere buruari edozein pertsonarekin maitemintzen uzten diodalako, edozein sexu-generotakoa izanda ere.

Gaur manifestaziora libre noa, aske sentituz, urte osorako maitasuna ematen didaten lagun taldearekin. Heterolesbianabisexualpansexual, ez dakit zer naizen. Eta nori axola zaio? Y A QUIÉN LE IMPORTA (lo que yo haga, laralalala).

GORA HARROTASUNAREN EGUNA!

LGTBIQ+ gaia jorratzen duten erreferentziak:

Abestia: Izan zu zeu. La Basu.

Azalpen-bideoa: ¿Qué es la bisexualidad? ¿pan-bi…? Reflexiones sobre Bifobia y + por Psico Woman y Elisa Coll.

Liburua: ¿Por qué ser feliz cuando puedo ser normal? Jeanette Winterson-ek idatzia.

Filma: CAROL, Todd Haynes-ek zuzendua.

Antzezlana: Elisa y Marcela.

Aniztasun sexuala, Aniztasuna sexuala, Berriak, Bloga, Boletinak, Sexualitatea

30/06/20

IRAGANEKO ESPERIENTZIAK

Indarkeriak egunero bizitzen ditugu eta espazio guztietan daude. Horregatik, horiei aurre egiteko tresnak sortu eta erabili behar ditugu. Sororitatea, autoestima, bakoitzaren eta kolektiboaren elkar arteko lanak, besteak beste, ahalduntze prozesuaren parte dira eta ibilbidea errazten dute.

Mi Meta bideoko bi lehiakidek, Itziarrek eta Nahiak, istorio hau kontatzeko sentitu zuten beharrari buruz hitz egiten digute, eta beraientzat zein berezia izan zen lehiaketan parte hartzea eta Topaketa bizitzea azaltzen dute.

Beldu Barik Jarrera, Berriak, Boletinak, Feminismoa-Aktibismoa Beldur Barik Jarrera, Elkarrizketa, Mi Meta

22/06/20