Categoría: <span>Bloga</span>

GORPUTZ EREDU BINARISTAK SUNTSITU

Hilabete honetan zehar gorputz eredu bakarraren ideia deuseztatzen saiatu gara, mila aldiz idatzi dugu gure gorputzak modu aske batean bizi behar ditugula, gozatu behar ditugula… gaurko honetan heteroarauetik, normaltasunetik ere ateratzen diren gorputzei buruz hitzegin nahi dizuegu.

Ekainean sistema binarioari buruz hitzegin genizuen. Normaltasunaren kontzeptuari buruz ere solasean ibili ginen. Nola sistema honek etiketak sortzen dituen ez bakarrik gauzak kategorizatzeko… hori izango balitz egiten duen gauza bakarra… baizik eta etiketak jartzen dituela desberdintasunak sortzeko, ierarkiak eraikiz. Gure xedea, ierarkia hoiek gure hitz, pentsamendu eta ekintzekin suntsitzea da. Gure gorputzekiko Beldur Barik Jarrera izatea… azken finean.

Beno, ba sistema edo eredu binario horri aurre egin eta horrengandik ihes egiten duten gorputzak ere badaude. Asteburu honetan ospatu dugu Urria Trans Eguna. Mugimendu trans honen planteamendu bat da ez dugula gure gorputzak emakume edo gizon bezala identifikatu behar. Kategorizazio hori egitea… ez duzue uste desberdintasun hoiek dakartzala bere baitan? Ez al duzue uste eredu binarista horretan erortzen ez diren gorputzak edertasun, gizonaizan eta emakumeizan estereotipo hoiengandik ihes egiten dutela?

Begira Poem Barker-ek egindako argazki hauek, Hyms from the Beedroom bilduma egiten dutenak. Binaristak ez diren gazteak mundu binario batean, argazkilariaren hitzetan.

Poem Barker – Hyms from the Beedroom from beldurbarik

Edo begira ere ondorengo argazkiei, Rachele Kanigel kazetariak eta Chloe Aftel-ek egindako The Shadow Sex erreportaia. Bertan generorik gabeko San Francismo inguruko gazteak bildu zituzten.

The Shadow Sex from beldurbarik

Gorputz ezberdinak ditugula argi daukagu iadanik! Eta ez dezagun utzi norbaitek gorputz eredu bat beste baten gainean jartzerik! Ez dezagun utzi edertasun eredu bakarra inposatzerik! Bizi zuen generoa, bizi zuen gorputza, Beldur Barik jarrerarekin!

Hurrengo post-ean edertasun, normaltasunaren eredua apurtzen duten beste gorputz batzuei buru hitzegingo dugu! Gogoratzen post hau? Sistemak ez gaitasun bat duten gorputzei buruz hitzegingo dugu ez gaitasuna gaitasuna bilakatzen saiatuko gara. Laguntzerik nahi?

Gorputzak

07/09/19

ZURE GORPUTZA MAITATZEA, IRAULTZAILEA DA!

Adjektibo gehiago erantsi ditzazkegu ahalduntzailea, garatzailea… Baina zergaitik diogu iraultzailea dela? Gure gorputzetan ezarritako arauak onartzen ez ditugulako, saltzen eta irakasten diguten edertasun eredu hoietan ez dugulako sinisten, Beldur Barik jarrera duzula, azken finean! Zure gorputza eta besteen gorputza modu eraldatzaile batekin bizi dituzula!

Legalak izan zuen erantzunetan… Zenbat alditan, uda pasata, hasi zarete dieta bat egiten, edota gimnasioara apuntatu zarete? Edo zuen buruei gutxiago jan edo kaña gutxiago edateko promesa egin duzue? Lasaitasuna ekarriko dugu zuen buruetara ez zarete munduan bakarrak horrelakorik pentsatzen dutenak. Bapatean galdutako itxura berreskuratzea gizarteko larritasun bat bilakatzen da gure ingurura begiratzen badugu: uda ondorengo dietak aurkezten dituzten aldizkariak, gimnasio liluragarriak, edota inoiz izan ez genuen baina horren bila gabiltzan gorputza berreraikitzen dituzten klinikak. Lodia egotea, kasu honetan, ezarritako edertasun ereduaren arau-hauste ikaragarria bilakatzen da gutariko askok identifikatuta ikusiko dugu gure burua dietaren bat probatu dugulako eta hona hemen sekretu bat eskatzen eta inposatzen diguten edertasun eredua ez dut, ez duzu, ez dugu inoiz lortuko… existitzen ez baita! Beti egongo da zerbait edertasun eredu horretara heltzen galerazten digutena… Beraz… guk eraikitako zerbait ez den heinean… zergaitik jarraitu? Zergaitik ez maitatu gure gorputza den bezalakoa? Lodia bada, gure estria eta mitxelinekin, argala bada gure argaltasunarekin, aniztasun funtzional bat badut, aniztasun horrek eman ditzazkeen ahalmenak gaintzat harturik, ezinezkoak baino…

Baina loditasunez hitzegiten genuen… Argaltasuna (eta ez goaz gu orain guztiok lodiak izan behar garenik esatera, ondo ulertu asuntua…) zoriontasuna, arrakasta, ongizateakin zerikusia duten mezuekin saltzen digute. Pentsatu edozein pelikuletan: pelikulan lodia den pertsonai bat agertzen bada ziurrenik barregarria izango da bere pertsonaia, eta bere horretan geldituko da…

Hona hemen Sara Monederok egindako Gordofobia kortoa. Bertan azaltzen digu nola loditasunak lotsagarritasunaren lenguaia du bere baitan. Kortoa egin nuen indarrean zeunden edertasun ereduetatik ihes egiteko, jasan nahi eta ahal nuena baino harago mintzen nindutenak. Beti jakin izan dut gorputza gorrotatzea ez dela aukera bat, baina batzutan oso zaila da, hain indartsu izan behar duzu.. horregaitik arazoa hausnartu eta ikusi nuen nire gorputzarekiko sentitzen nuen guzti hura lotsa zela.

Lotsa… norbaitek edo zerbaitek ezarri dituen edertasun ereduak ez ditudalako betetzen… leloak dioen bezala… zure edertasun ereduekin… joan zaitez pikutara!

Bi pertsona aurkeztu nahi dizkizuegu. Alde batetik, Beth Ditto, Gossip taldearen abeslaria. Sekulako indarra duen emakumea, bere burua Lodia, lesbiana eta feminista bezala aurkezten duena. Ez da lehenengo aldia hemen, gure artean dugunik… eta ez da azkena ere izango!

Eta hurrengo post batean luzeago hitzegingo dugun pertsonai bat aurkeztu nahi dizuegu: Rae Earl. Ikusi al duzue My fat mad diary telesaila? Oso ona! Erabat gomendagarria! Datorren astean honen inguruko post bat egin nahi dugu.

Nola bizi dituzue zuek zuen gorputzak? Gogoratu! Zuen gorputzak presiorik gabe bizi, indarrean dauden edertasun ereduei jaramonik ez! Beldur BArik Jarrera zure gorputzean sartu, zabaldu!

Gorputzak

07/09/19

URRIA TRANS BASAURIN

ZER DA URRIA TRANS? 2009. urtetik hona, urtero, urrian, herri eta hiri ezberdinetan, STP Kanpainak Trans despatologizazio Nazioarteko eguna antolatzen du.

URRIA TRANS dela eta, Basaurin hurrengo pelikulen proiekzioa antolatu dute, EHGAM laguntzaz. ANIMATU!

The good son, un documental de Shirly Berkovitz

SINOPSIS: ¿Qué pasa por la cabeza de un joven que decide cumplir su sueño a cualquier precio? ¿Dónde está el límite entre la realización personal y la fidelidad y honestidad hacia tu familia? Nos unimos a la increíble historia de Or, un chico de 22 años que, mintiendo a sus conservadores padres, decide seguir adelante a cualquier precio. Un retrato apasionante sobre el miedo, la duda, la importancia de la familia y la fuerza de voluntad de ser uno mismo.

52 martes, de Sophie Hyde

SINOPSIS: La madre de Billie, una chica de 16 años, va a someterse a una operación de cambio de sexo. Durante el tiempo que dure el proceso esta le pide que solo se vean los martes por la tarde. Filmada en el transcurso de un año, una vez a la semana, todos los martes, «52 martes» es una historia sobre la identidad, el deseo, la sexualidad cargada de emociones y belleza.

Trukegune feminista

07/09/19

DEPILATU EDO EZ DEPILATU… NIRE ERABAKIA

Zenbat aldiz geratu zara hondartzara joan gabe, zure herriko plazan botata kriston beroa pasatzen, hankak depilatuta ez izatearren? Zenbatetan ez zara irten juergan alua ilez beteta duzulako eta, badaezpada ligatzen duzun? Zenbatetan eman dizu kriston lotsa barran zaudela besoa altzatzea zerbeza bat eskatzeko besapeko ileengatik? Edota zenbatetan moztu zara nahi gabe, egin dituzu kriston aberiak kutxillekin edota ubeldurak tiroiekin? Ze zentzu dauka guzti horrek?

Rocio Salazar-ren ilustrazioa

Zentzurik ez! Ez goaz berriro depilazioaren inguruko mitoetaz hitzegitera… Pasa den urtean post ederra prestatu genuen zuentzako gai honen inguruan (sakatu hemen berriro irakurtzeko). Bakoitzaren esku utzi genuen asuntua. Bakoitzaren asuntua baita! Gakoa depilatzeko edo ez depilatzeko presiorik ez izatea da… Edertasun arauak zure gorputzean inposatzen saiatzen den orori zure Beldur Barik Jarrera agertu!

Rocio Salazar-ren ilustrazioa

Eta edertasun arau hoiei erantzun bat emateko, begiratu Txinan feminista talde batek antolatu zuen lehiaketa (sakatu hemen Pikara aldizkarian publikatu zuten albistea irakurtzeko). Hain zaharra ez den moda bat, depilatzearena, ezinbestekoa bihurtu da Txinan. Eta horregaitik, Xiao Meili, 25 urtetako feminista txinatar batek Weibo plataforma erabilita, kanpaina hau eraman zuen aurrera: besapean ileak dituzten emakumeen argazki lehiaketa.

Baina nori okurritu zitzaion depilatzearena? Janzkera modak ekarri zuen depilazioaren beharra. Lehen gure gorputzaren atal eta parte gehienak estaldurik eramaten zituztenez, ez zegoen depilazioaren beharra baina noski, gure gorputza erakusten badugu… ez digute nolanahi erakusten utziko… arauak eraiki behar dira berehala! Eta ilerik gabeko emakumeak garbiak izango dira, femeninoak… Ai publizitateak eta modak, nolako eragina duten gorputzetan, edertasun ereduetan!

«Modan dagoen emakumeak besapeak aurpegia bezain leunak izan behar dutela dio».

Zure gorputzaren gaineko iritziei jaramonik ez! Zaren bezalakoa maitatu zure burua, zure gorputza! Beldur Barik Jarrerarekin bizi eta gozatu zure gorputza!

Rocio Salazar-ren ilustrazioa

Hurrengo post-etan lodifobiaz hitzegingo dugu… Zuen gorputzak diren tamainakoak gozatzeko prest?

Argal egoteko presionatzen gaituzte. Osasungarritasunaz mozorratzen dituzte erabiltzen dituzten argudioak… Neurrien esklabuak garela uste al duzu? Zuen gorputzak Beldur Barik Jarrerarekin bizi!

Gorputzak

07/09/19

EZ NAIZ NI BERE GORPUTZA ALDATU BEHAR DUENA

Zenbat aldiz egunean zehar begiratzen gara ispiluan? Noski, bere burua begiratu ditzazketenek. Bai aniztasun funtzional bat dutelako, bai ezin dutelako bere burua ispilu batean begiratu, ispiluak eskaintzen duen irudiaren beldur. Altu, baxu, iledun, burusoil, beltzaran, txuri, etnia batekoak, bestekoak, lodi, argal… zergaitik ez gara gai gure burua maitatzeko? Garen bezalakoak onartzeko?

Gaur moden inguruan hitzegin behar genuela agindu genizuen. Nola modek edertasun eredu batzuk ezartzen dituen. Hortxe daude alde batetik modeloak nola izan behar duten eta bestaldetik, modak ezartzen dituen jantziak (oraindik bragatanga burutik kendu gabe gaude…).

Hementxe inposatutako edertasun ereduak apurtzen dituzten modeloak:

Badaude benetazko gorputzek osatzen dituzten katalogoak:

Janzten dudan arropak uzten duen marka bakarra, nire usaina izatea nahi dudalako ez ditut sufritzera behartzen gaituzten janzkien beharrik!

JUSTIN BARTELSen impression argazki erakusketaren obra batzuk

Eta ostegun honetan ozen diot… Zerbait aldatzekotan nire gorputzean, hurrengoa aukeratuko dut: BELDUR BARIK HEGAN EGITEKO HEGALAK! BELDUR BARIK ENTZUTEKO DUNBOREN BELARRIAK!

Zuk zer aukeratzen duzu? Zer aldatuko zenuke zure gorputzetik? Zergaitik zerbait kendu? Zergaitik jarri? Garen bezalakoak ondo gaude eta!!!

Hurrengo astean depilazioari buruz hitzegingo dugu. Depilatu bai? Depilatu ez? Depilatzen banaiz feminista izateari utziko diot? Depilatzen ez banaiz nire feminitatea galduko dut? Zelako dilema!

Gorputzak

07/09/19

EDERTASUN EREDUAK APURTU

Iragarkiek, telebistako programek, aldizkariek edota filmek gorputz eredu batzuk saltzen dizkigute, denak berdinak, neurri eta forma berberekoak: ile luze-luzedunak, 38 tailakoak, arropa garestiekin jantzitakoak, argalak, sekulako titiekin, bilorik gabekoak, azal leunekoak… Hori da saldu nahi diguten edertasun eredua eta ingurura begiratzen badugu existitzen ez dena

Honela zioen pasa den urtean argitaratu genuen post batek. Ezaugarri gehiago erantsiko genituzke: beltzaranak (baina pasatu gabe), mendebaldekoa, proportzio egokiak dituzten gorputzak… eta mutilen kasuan muskulatuak, burusoilak ez direnak, altuak (berriro ere, pasatu gabe)… Nolakoak dir zuentzako indarrean dauden estereotipo horiek? Zeintzuk dira ezaugarriak? Jendeari galdetzen badiogu eta jendeak gehienetan ezaugarri berdinak esaten baditu… Zergaitik ez da ohikoa kalean horrelako mutilak edo neskak aurkitzea?

Guk bi froga egin ditugu. Interneteko bilatzailean tia buena eta tio bueno jarri eta zer aurkitzen duzue? Horrelako irudiak al dira zuretzako desiragarriak? Erantzuna baietza izan daiteke, baina egunero ikusten al ditugun gorputzak al dira? Desira sortzen dizkiguten bakarrak? Mundu guztiarentzako berdinak?

Eta bigarren bilaketa batean nolakoa da emakume/gizon ideala? esaldia jarri eta agertutako irudiak…gutxienez… ezinegona sortarazi digute… Zer deritzozue zuek?

Baina zer da gorputz perfektu bat? Nork demontre du? Norbaitek ikusi al du? Iker Jimenez-ekin hitzegin beharko genuke nonbaiten badago manifiéstate esateko… eta ez du balio photoshop-ik, ez du balio ez jateak, ez du balio gure burua margotzeak (zelako moda arraroa… kabina batean sartu eta zure gorputza margotu)… Ez dago gorputz perfekturik! Guztiok perfektua ez den zerbait edukiko dugu… hobeto esanda, guk perfektua ikusten ez duguna norbaitek perfektua ez dela esan duelako… eta azkenean horrela dela sinisten amaitzen dugu…

https://www.youtube.com/watch?v=uYVL-z5VREQ

Estereotipoak ere ez dira berdinak munduaren leku batean edo beste batean. Kiloak soberan izatea gaizki ikusia den gizarte honetan, eta horrek kilo hoiek jeistera eramaten zaituenean, Afrikako lurraldean pentsatu dezakegu, non argaltasuna gaixotasunarekin parekatzen den. Edota Japon eta Txinan, non beltzarana izatea ez da edertasunaren ezaugarri bat…

Edertasunaren diktadura hau ez da bakarrik harreman heterosexualak nahiago dituzten pertsonetan. Baita ere harreman homosexualetan ere. Baliteke azkenengo honetan gorputz desiatuen aniztasuna haundiagoa izatea… baina sistemak, edertasun eredu bakar eta egiazko bat inposatzen duen horrek, ondo daki egiten bere lana eta estereotipoak nonahi sortu eta mantentzen ditu. Hortxe ditugu L Word-eko neskak, edota Queers as Folk-eko mutilak…

Hortxe dago gure lana, lagunok… edertasun eredu hoiekin apurtzean, garen bezalakoak maitatzean, sudur puntan jartzen zaiguna egitea gure gorputzarekin, gure gorputzarekin harreman sanoa eraiki behar dugu!!!

Hurrengo post-ean modak inposatzen dituen edertasun ereduei buruz hitzegingo dugu… Bitartean, zuen gorputzak Beldur Barik bizi eta gozatu!

Gorputzak

07/09/19

BELDUR BARIK JARRERA ZABALTZEKO BIDEO EDERRA!

Begiratu eta disfrutatu Basaurin Beldur Barik Jarrera zabaltzeko egin duten izugarrizko bideo hau!

Zuen Beldur Barik Jarrera ere zabaldu nahi? Lehiaketan parte hartu! Animatu!!!

PENTSATU, EZTABAIDATU ETA EKIN BELDUR BARIK JARRERAKIN!

Trukegune feminista

07/09/19

MITO ERROMANTIKOAK DESMUNTATU OSTEAN… ORAIN ZER?

Maitatzeko beste eredu bat posible dela aldarrikatu nahi dugu, Faktoria Lila ko bideoaren azkenengo partean dioten moduan. Askatasunean oinarritutako eredu bat. Ez da lehen aldia guzti honi hitzegiten dugula… eta ezta azkenengoa izango ! 2012. urtean horrela genion (irakurri post-a)

Horrela dio Coral Herrera Gomez-ek bere (H)amor, de la editorial Con Tinta Me Tienes elkarlanean idatzitako liburuaren kapituluaren zati batean: Maitasuna deseraiki behar dugu berriro ere asmatzeko, eta horrela gure antolatzeko eta harremanak izateko eredua ere eraldatuko dugu.

Bale… super erreza… maitasuna desmuntatu eredu berriak eraikitzeko… baina nola demontre egiten da hori? Nola ihes egin Sin ti no soy nada bezalako musiken hatzaparretatik? Lagunok, ez dugu guk inoiz esan bidaia erreza zenik… baina honi aurre egin eta bideari ekitean datza gakoa, Beldur Barik jarrerarekin!

Ez da lehenego aldia hau dioguna: izugarrizko garrantzia ematen diogu maitasunari zein bikoteari eta oso gutxi gure buruei/gorputzei eta autonomiari. Eta modu tradizional horretan eraikitzen diren harremanak, dependentziazko harremanak eraikitzera garamatza askotan. Gure zoriontasunaren ardura beste batengan jartzen dugulako, ez gure baitan. Eta horrek harreman toxikoak, edota mingarriak mantentzera garamatza askotan. Coral Herrera Gomez-en hitzetan autonomia lortzeko lan egin behar dugu, horrela, askatasunean eta maitasunean oinarritutako harremanak izateko, eta ez beharrean. Ahaldundu behar gara eta norbere burua maitatu behar dugu, baina ezinezkoa izango da guzti hau bakarrik egitea, norbera salbatu filosofiaren aitzakian. Bakarrik elkarrekin eta guztion artean (bai neska bai mutil) elkartasun aliantzak eraikiz lortu daiteke.

Hona hemen pasa den urtean publikatutako post-ean geniona, eta gaurko honetan azalaratu nahi duguna berriro ere horretan jarraitzen baitugu:

Baina bikoterik gabe, bakarrik ez gara ezer? Ez gara zoriontsuak? Emakume bat gizon bat gabe ezin daiteke bizi? Lasai asko. Konturatu behar gara ez gaudela bakarrik, gue buruekin gaudela autodefentsa feministako irakaslea den Maitena Monroy-k dioen bezala. Eta gure inguruan, modu eta maila desberdinetan maite gaituen jende pilla daukagu: gure lagunak, gure familia, gure amanteak, gure auzokoak, ezagunak Baina gure buruak maitatzea da garrantzitsuena, gugan sinistea, gure zoriontasun propioa sortzeko dugun gaitasunean. Zeintzuk izan daitezke horretarako klabeak? Coral Herrerak erreztutako hainbat gako errekuperatzen ditugu:

Izan zu zeu: Deskubritu nor zaren. Zeintzuk diren zure aspektu positiboak eta horiek baloratu. Zer den gustatzen zaizuna, zein bizipenek ematen dizun plazerra (kirola egitea, bidaiatzea, idaztea, musika sortzea, lagunekin konpartitzea denbora) eta ekin horri. BZure buruarekin eta zure bizitzarekin gustura bazaude ez duzu beharko inor.

Hobeto zure buruarekin, maite ez zaituen batekin baino. Hainbesteko garrantzia ematen zaio gizarte honetan bikote harremanei, hainbesteko beldurra izaten dugu bakarrik bukatzeko edozein pertsona hautatzen dugula gure bikote bezala, nahiz eta min ematen didan pertsona bat izan. Edota norbaitekin gaudenean eta berataz hainbeste dependitzen dugunean, kostatu egiten zaigu imaginatzea posible dela bera gabeko bizitzarik izatea: gure denbora libre osoa berarekin pasatzen dugulako, bere lagunak bihurtu direlako gure lagunak Edota uste izaten dugu, bera gabe gure bizitza mierda bat izango dela, bakarrik ez garela gai izango ezer egiteko, zoriontsuak izateko. Baina, askotan, hobeto gu gutara, horrela ikasten baitugu gure buruak onartzen, deskubritzen eta gu geugan sinisten. Bakardadea ere, ona da gure sentimenduak ordenatzeko, gure autonomia indartzeko. Bizitza super interesgarria da norbaiti lotua egoteko. Sentitu aske eta hegan egin!
Dexintozikatu emozionalki. Noizean behin, bikoterik edo rollorik gabe egotea ondo datorkigu, tiobibo emozionalik gabe: orain subidoiarekin, orain bajoiarekin. Pentsatu zenbat energia, esfortzu eta denbora zuzentzen dizkiegun maitasun-harremanei. Hartu opor batzuk eta pasatu horietaz: zure lagunekin egoteko denbora izateko, lasai egoteko, zure bolara ibiltzekoEdota erabili energia guzti hori betidanik nahi izan duzun hori egiteko: musika talde bat sortzeko, bidaiatzeko, eskalatzeko…
Bakardadea pisutsu egiten bazaizu… Elkartu ekimenetara, parte-hartu gauza desberdinetan. Batez ere, emakumeen independentziaren alde dabiltzan emakume taldeekin. Jende berria ezagutuko duzu eta zure energia eta sormen guztia eraldaketarako erabilgarri izango da!

Zure burua maitatu, zure ingurukoak zaindu, oraina bizi etorkizunaz ahastuz, beldurrak alde batera utzi, jendea den bezalakoa maitatu mitifikatu gabe, zure askatasunaz maitemindu, eta besteen askatasunaz ere, ezetz esan sufrimenduaren pentsamendu horri maitasuna minarekin identifikatzen duena, zure ingurua maitasunez bizi, maitasunez bete, askatasunez, eta berdina egin zure buruarekin!

Maitasun eredua zuk eraiki! Inoren gainetik jarri gabe, inorren pean bizi gabe! Alternatibak baditugulako!

Maitasunak poza, irria, askatasuna, autonomia da…. maitasun eredu berri eta asketzaile batzuen alde lan egin dezagun. Lagundu nahi? Nola bizi dituzu zuk harremanak? Nolako sentipenak izan ditugu maitasun erromantikoaren mitoak apurtzen saiatu garen hilabete honetan zehar?

Eta horretan gabiltza.

Hurrengo hilabetean maitasunari buruz hitzegingo dugu baina gure gorputza, besteen gorputzak, maitatzeari buruz. Indarrean dauden estereotipoekin apurtu nahi? Normalak diren gorputzetatik haratago joan nahi? Gure gorputzen harreman berriak eraikiko ditugu maitasunean bezala, autonomiaz, dependentziarik gabe, ahalduntze prozesuak erabiliz gurekin etorri nahi?

Maitasuna

29/09/15

MAITASUN HARREMAN BERRIAK ERAIKI BELDUR BARIK!

Orainarte, post guzti hauetan, hilabete honetan zehar, askotan esan dugu nola maitatu irakatsi digutela. Musika, ipuin, pelikula eta telesailen bidez zeintzuk izan behar diren jarraitu beharreko pausuak, sentitu beharreko desioak, burutazioak… Ados al zaude esandakoarekin? Ez gara gu maitasun erromantikoa eraikia dela esaten duten bakarrak

Ainara Santamariak hurrengoa esaten digu Topatu.info komunikabideari emandako elkarrizketa batean:

Erromantikoki maitatzea erabaki bat bada, ikasi egiten al da maitatzen?

Maitatzen ikasi egiten dugu eta irakatsi egiten digute. Eta, beraz, erakutsia bada, aldaketarako aukerak ere sortu egiten dira, ikasitako guztia deseraiki ahal dugulako eta berriz eraiki, bakoitza ongi sentitzen den modu horretan.

Maitasuna eraikuntza bat denaren sinesmenak pisua galdu du gaur egun, eta zerbait berezkoa edota barrutik ateratzen zaiguna bezala agertzen da. Adibidez, zeloen kontu horrekin guztiarekin, sarri entzuten da norbaitek beste batekiko zeloak sentitzen baditu gehiago maite.

Beraz… zerbait eraikia bada, eta bizi garen garaiaren arabera eraikitzen bada… zergaitik ez deuseztatu, berriztatu, aire berriak sartu daitezela utzi, berreraiki? Coral Herrera Gomez-ek esaten duen bezala: maitasuna desmuntatu behar dugu berriro asmatzeko, horrela harremanak izateko eta antolatzeko ereduak eraldatuko ditugu. Gehiago irakurri nahi baduzu, hemen duzu bere post-a.

Eta maitasunaren ideia erromantikoaren deuseztatze horretan, hilabete honetan aipatu ditugun mitoak deseraiki behar ditugu: bestearenganako sakrifizioaren ideia, hau da, gauza guztiak albo batera uztera behartzen duena; maitasun erromantiko horrek eraikitzen dituen espektatiba magikoak deuseztatzea; laranja erdiaren mitoa; betiereko maitasuna, bakarrik benetazko maitasuna gure bizitzetan behin agertzen denaren ideia; fideltasuna eta esklusibitatea; jeloskortasuna maitasunarekin parekatzea…

Esan bezala, mito guzti hauek eraikiak dira, harreman eredu bakar bat sortzeko helburuarekin. Sakrifiziorik ez badago, ez da benetako maitasuna, ez duzu benetazko harreman bat edukiko, berekoia baitzara; beste pertsona batenganako desioak badituzu, harreman sanoa ez dela esango dute; bikotea izango da harreman bat izateko eredu bakarra… etabar, etabar. Guzti honek toxikoak diren harremanak eraikitzera eramaten gaitu.

Zer da zuretzak harreman toxiko bat? Eta maitasunaren ideia berreraikitzera goazenez… zeintzuk izango lirateke zuretzak maitatzeko beste era horren oinarriak?

Hurrengo post-ean hilabeteari agur esango diogu oinarri hoiek zeintzuk izan beharko lirateken finkatuz (edo behintzat, ahalegina eginez). Eta ez gaude bakarrik bikote edo harreman sentimentaletaz hitzegiten! Lagun harremanak, familiarteko harremanetaz ere ari gara! Goazen guztion artea, Coral Herrera Gomez-ek esaten duen bezala, maitasun sareak eraikitzera! Beldur Barik Jarrerakin maitatu! Sentitu! Bizi!

Maitasuna

24/09/15

MAITASUNEAN SUFRIMENDUARI STOP

Iadanik irailaren erdiaren muga pasa dugu eta maitasun erromantikoaren mitoak ikusi eta deuseztatzen saiatu gara. Beno, lasai hartu ere. Ondo dago ikustea nola funtzionatzen duen sistema konplexu honek , baina deusteztatzearena… bere denbora behar du. Baina horretan gabiltza! Maitasun erromantikoak dakartzan mito hoiek identifikatu eta aldentzen saiatu, harreman berriak eta sanoagoak eraikitzeko asmoz.

Eta harreman sano hoiek eraikitzean argi izan behar dugun beste gauza bat… maitasunak ez duela sufrimendua ekartzen. Hots, benetako maitasuna bada, sufritu behar duzula. Gogoratzen txikitan irakurritako liburuak? Printzesak torre batean preso, lotan auskalo zenbat urte, pozoia hartuta hilzorian… zelako panorama, eta printzeak? Dorrea gora ta behera, beti zaldiaren gainean, zerbaiten bila, beti ausart, beti prest sorgin, deabru, dragoiari aurre egiteko. Beti sufritzen. Eta sufrimenduaren ideia hau ez da bakarrik maitasunean gelditzen. Zerbait lortu nahi baduzu, sufrimenduarekin egin behar duzunaren ideia ere hortxe daukagu. Adibide gisa, hortxe ditugu telebistan bere ametsa lortzearren sufritzen duten pertsonek, iritzi gogorrak jasotzen dituztenak… beno, baina hau ere beste istorio bat da…

Beno, maitasun erromantikora bueltatuz… irakatsi diguten maitasuna sufrimenduarekin harreman estua du, eta gainera, minik ez badago, benetazko maitasuna ez dela esaten digun horietakoa. Maitasun erromantiko horretan, sufritzen duenak bere sufrimendua agertzen du maitatzeko ahalmena izango balitz bezala. Eta gauza ez da sufritzea, sufritu dezakegu, baina sufrimendua bada agertzen dugun gauza bakarra, sufrimenduan oinarritzen badugu gure maitatzeko ahalmena, orduan zerbaiten truke izango da gure maitasuna, ez da maitasun librea izango, ez dugu gure bihotza ezerren truke ematen, eta ondorioz, nahi genuena lortu ezak hurrengoak ekartzen ditu: irainak, desprezioz betetako jokabideak eta azalpenak guzti hau maite dugun pertsonari zuzenduak. Hainbeste maite baduzu norbait libre nahi duzu, eta den moduan, zuk maite ala ez! Ea noiz sartzen dugun gure buru ero hauetan!

Zenbat buruauste ere hurrengo esaldia esango baziguten… eta gauzak diren moduak hartu! Zure burua maitatu, zure ingurua zaindu eta aurrera!

Badirudi sufrimendurik gabeko maitasuna maitasuna ez dela, eta hemen arriskutsua den zerbaitekin topatzen gara. Askotan esan dugu maitasunaren izenean gauza asko egiten direla, eta pasa den astean zeloei buruz hitzegiten genuenean ere arriskutsuak zirela azpimarratu genuen ere… ba sufrimenduarekin berdina esan dezakegu ere… noiz hasten da harreman bat arriskutsua, tratu txarretakoa, indarkeriaz betetakoa… bihurtzen, hasieran grinazko maitasuna dela uste dugulako?

Hona hemen Coral Herrera Gomez-ek sufrimenduaren inguruan dioena:

(Ez) gaude maitasuna dela eta sufritzera kondenatutak: erabakiak hartu ditzazkegu, atseden emozionalak hartu, mintzen gaituenean urrundu. Komeni ez zaigun pertsonarekin maitasuna galdu dezakegu, maite ez gaituzten pertsonetaz ahaztu, gure bizitza partekatzeko lagun onak aukeratu. Ateak itxi ditzazkegu eta oraina iraganean bihurtu, edo beste batzuk ireki ditzazkegu eta iragana orainan bihurtu. Maitasunak ez gaitu lotzen, ezta mugatzen ere, ez gaitu leku batean milaka aldiz iraultzen. Gu geuk gara gure emozioen jabe egin behar garenak eta maitasunaz gozatzeaz galerazten diguten kanpo eta barneko oztopoak landu.

Uste al duzue maitasunak hainbeste sufritzea dela? Hurrengo post-etan maitasun eredu sanoei buruz hitzegingo dugu, harreman sanoak nahi ditugulako gure bizitzan, errespetuan, askatasunean, laguntasunean, elkarrekiko konfidantzan oinarritzen den maitasuna! Banakako gisa hartzen gaituen maitasuna! Ondo maitatzeko bide galanta dugu, baina horri ekitera goaz!

Aldatu dezagun ipuina: Ondo maite zaituenak… barrea eragingo dizu!

Zuretzako zer da harreman sano bat? Maitasun sano bat? Kontaiguzu! Edo hobeto bideo bat bidali!!!

Maitasuna

22/09/15