Categoría: <span>Información</span>

Bihar, goizeko 8retan hasiera emango diogu Herri Sariako bozkaketari! Azaroaren 25 arte izango duzue epea zuen botoa emateko!

Mañana, a las 8 de la mañana, damos comienzo a la votación del Premio Popular! ¡Tenéis tiempo hasta el 25 de noviembre para dar vuestro voto!

Zein bideo bozkatu ahal izango ditut? / ¿Qué videos puedo votar?

Herriaren saria bi kategorietako edozeinetan aurkeztutako lanei ematen zaien saria. Lan horiek Beldur Barik Jarrera! lehiaketako antolatzaileek aurretik hautatu dituztenen artean egon behar dira. Oinarrietan  jartzen duenari jarraituz, ez dira hautatuak izango beldur barik jarrera adirazten ez dituzten lanak. Beldur Barik Jarreraz gehiago jakin nahi baduzu sakatu post hau.

Nahi dituzun lan guztiak bozkatu ahal izango dituzu baina lan bakoitzeko, solik, boto bakarra eman ahal izango duzu.

Prozesuan irregulartasunik aurkitzen badugu, jendearen saria hutsik gera daiteke.

El premio popular se le da a cualquier trabajo de las dos categorías, siempre y cuando transmitan Beldur Barik Jarrera (recogido en las bases). Si quereis recordar lo que os contábamos de qué va la filosofía Beldur Barik Jarrera, podéis echarle un vistazo a este post.

Se pueden votar tantos trabajos que se quieran, pero por cada trabajo solamente podréis dar un solo voto. Si se observan irregularidades en el proceso, el premio se declarará desierto.

Nire botoa emateko epea / Plazo para dar mi voto

Azaroaren 21 eta 25 bitartean izango da. Bozkaketa 21eko goizeko 08:00etan ireki eta 25eko gaueko 23:59tan itxiko da.

Entre el 21 y 25 de noviembre. Se abre a las 08:00 y se cierra el 25 a las 23:59.

Nola bozkatu? / ¿Cómo votar?

1. Lehenik eta behin, erregistratu egin behar zara. Web-gune honen sarreran horretarako aukera izango duzu, ezkerretara aurkituko duzuen erregistro formularioan (ikus irudian 1 zenbakia). Behar-beharrezkoa da erabiltzaile izena eta emaila jartzea.
2. Zerbait txarto eginez gero (existitzen ez den email bat sartuz gero, adibidez…) mezu bat azalduko zaizu esanez zer egin duzun txarto (ikus irudiko 2 zenbakia).
3. Dena ondo egitekotan, email bat helduko zaizu argibide eta link batekin. Link horretan berehalakoan klikatzerakoan, lanen rankinera pasatuko zara.
4. Behin erregistratuta, nahi bestetan sartu ahal izango zara zure emaila erabilita (erregistroan sartu duzuna). Horretarako, irudiko 3 zenbakian agertzen den lekuan sartu beharko duzu eta rankinera eramago zaitu.
5. Emaila ez badago erregistratuta, aktibatuta edo emailik ez badugu sartu, 4 zenbakian bezala mezu bat azalduko zaigu.

Lanen zerrenda bat azalduko zaizu, aukeratutako lanekin. Zerrendako lanetan klik eginda, lanak ikusi ahal izango dituzue eta botoa emateko botoian klik egin.

Rankinean herri bozkaketako sari guztiak ikusi ahal izango dituzu.

Para poder votar, primero, os tendréis que dar de alta en el formulario de registro (donde pone 1 en la imagen de arriba). Si no introducís los datos correctamente un mensaje os dice cuál ha sido el error (número 2 en la imagen de arriba). Si os inscribís correctamente, os llegará un email con un link con el que podréis acceder directamente al listado de trabajos a votar.
Cada vez que queráis entrar a dar un voto, os tendréis que loguear introduciendo vuestro email (donde pone número 3 en la imagen). Os llevará a un listado donde aparecen los trabajos seleccionados. Haciendo click en cada uno de los trabajos del listado, podréis ver el trabajo y darle clic al botón del voto. Si el email no está registrado, activado o no has introducido el email, os aparecerá un mensaje (número 4).

Nola emango da jakitera herria-sariaren irabazlea? / ¿Cómo me voy a enterar de qué trabajo ha ganado el premio popular?

Webguneko sarreran bozkaketarako erregistroa dagoen lekuan, “Bozkaketaren ranking”-a jartzen duen botoi bat izango duzue. Bertara sartuta zuen botoa emateko zerrenda berbera agertuko zaizue. Zerrenda hori botoen arabera etengabe eguneratzen eta ordenatuz joango da. Alegia, geroz eta boto gehiago, geroz eta gorago agertuko zaizue.

Azaroaren 25a amaitzerakoan, 23:59etan, bozka emateko aukera bukatzen da. Momentu horretan boto gehien dituen saria izango da herria sariaren irabazlea. Bozkaketaren itxieran argazki bat aterako dugu eta sare sozialetatik mugituko dugu jakitera emateko zein izan den boto gehien jaso dituen saria. Gogoratu, sariak Azaroaren 28an Amurrion egingo dugun Topaketan banatuko ditugula. Hona hemen topaketaren inguruko informazio gehiago eta hemen autobusen infoa.

 Para ver cómo va la votación si entráis al ranking de lo trabajos, estos estarán ordenados por número de votos recibidos: cuantos más votos, más arriba estarán.

A las 23:59 del 25 de noviembre, se cierra la votación popular. Sacaremos una foto al ranking y con él daremos a conocer el trabajo que más votos haya recibido.Recordad que los repartiremos los premios el 28 de Noviembre en la Topaketa que celebraremos en Amurrio. Aquí teneis más información sobre la Topaketa y aquí información sobre los autobuses.

3…2…1… Herri bozkaketa hastera doa! Eman zure botoak!!!

Bueltan gara, bideo-bolada izugarriaren ondoren, Beldur Barik Jarrera zabaltzen jarraitzeko prest! Mila esker parte hartu duzuten guztioi. Eta barkamenak ere denboratxo bat eman dugulako zuen bideoak gure web gunera igotzen. Asteazkenean amaitu zen epea zuek lanak entregatzeko eta badituzue guztiak gure web gunean ikusteko prest! (Sakatu irudian lan guztiak ikusteko)

Lanak gure artean ditugula, baloratzea gelditzen zaigu. Lau sari mota ditugu. Zeintzuk diren gogoratu nahi? Sakatu hemen eta sariak zeintzuk diren oroitu!

Lehen hiru sariak epai-mahaiak aukeratuko ditu eta herri saria web-gunean egingo den bozkaketarekin aukeratuko da.

Lanak baloratzerako orduan, gogoratu, kontutan hartuko dugun irizpide nagusia Beldur Barik Jarrera adieraztea dela. Zer da Beldur Barik Jarrera? Indarkeria sexistari (bere adierazpen desberdinetan) modu enpoderatzaile eta positiboan aurre egiten dioten jarrerak. Neska eta mutilen arteko harreman parekideak adierazten dituztenak. Genero mandatoak apurtzen dituztenak. Biktima papela erreproduzitzen ez dituzten neskak, autonomia dutenak, askeak direnak. Sexismoarekin bat egiten ez duten mutilak eta beraien papera, gertaera honetan, modu aktiboan kuestionatu eta aurre egiten diotenak.

Herri sariari dagokionez, Beldur Barik Jarrera dituzten lanak jarriko ditugu web gunean azaroaren 21 eta 25 bitartean, zuen ustez, jarrera hori ondoen adierazten duten lana aukeratzeko. Ostiral honetan, Azaroak 20, post baten bidez azalduko dizuegu nola burutuko den bozkaketa.

Eta gogoratu, Beldur Barik Topaketa ere oso gertu dugula, Azaroaren 28an, ospatuko dugu Amurrion! Informazio gehiago nahi duzu Topaketaren inguruan? Irudian sakatu!

Eta azkenik, gogoratu nahi dizuegu Topaketara gerturatzeko baduzuela gure web gunean galdetegia, autobusak dohanik jarriko ditugula Araba, Bizkaia eta Gipuzkoatik! Epea azaroaren 12an ireki genuen eta tartea duzue azaroaren 25a arte! Animatu eta Topaketan elkar ikusiko dugu, Lehiaketaren irabazleak ezagutzeko! Sakatu irudian galdetegia betetzeko.

Berriro ere, mila esker eta jarraitu zuen Beldur Barik Jarrera zabaltzen!

Listo! Bideoa pentsatu, gidoia egin, lokazioak erabaki, pertsonaiak banandu, grabatu, editatu eta muntaia egin duzue. Bideoa prest duzue Beldur Barik Lahiaketan parte hartzeko! Zeintzuk dira jarraitu beharreko pausuak orain? Guzti hau azaltzera gatoz, zalantzaren bat baduzue argitzen ahaleginduko gara post honetan.

1. Igo lanak ikus-entzunezkoen plataformara.

Gogoratu bi plataforma hauetara igo behar dituzuela: Youtube edo Vimeora. Guzti hau nola egin behar duzuen kontatu genizuen aurreko post batean. Gogoratu nahi baduzue, sakatu hemen. Plataformetara igotzen dituzuean link bat sortzen du.

2. Sartu gure Beldur Barik web gunera.

Galdetegira ailegatzeko, bi modu dituzue:

Sakatu edozeinetan eta… listo! Galdetegia betetzeko prest zaudete!!!!

Adinaren arabera kategoria aukeratu.

Proiektuaren bideoaren izenburua idatzi, eta gero plataformek sortutako link-a itsatsi hurrengo eremuan. Proiektuaren laburpentxo bat idatzi (zeri buruzko bideoa egin duzuen). Iraupena eremua bete (gogoratu gehienez 5 minutuko bideoak direla).

Proiektua ze hizkuntzatan dago? Eta kontuan hartu zuen proiektua beste hizkuntza batean baldin badago, azpitituluak izan behar dituela euskeraz edo gaztelaniaz.

Hurrengo pausuan proiektua nola aurkezten dugun azaldu behar dugu, norbanako bezala edo talde bezala.

Norbanako bezala aurkezten badugu…

Norbanakoren proiektua bada, galdetegiko eremu guztiak bete behar ditugu. 18 urte baino gutxiago badituzu, banakako baimena behar duzue. Hemen deskargatu dezakezue eta gero Examinar botoia sakatuz, baimena gure ordenagailuan bilatu eta aukeratuko dugu.

Beste eremu guztiak bete eta Helbide eremura joan, baina itxoin, lehenik taldeko proiektua bada galdetegia nola bete behar den ikusiko dugu.

Esan bezala, Taldeko Proiektua bada, hurrengo kuadroa izango dugu:

Izena, adina eta sexua eremua beteko dugu. Bertan proiektuan parte hartu duten kide guztien datuak idatzi behar ditugu. Bigarren eremuan, lehiaketan lehenago parte hartu baduzue, bai talde bezala, bai taldeko norbait, hementxe jarri.

Eta azkenik, 18 urte baino gutxiago badituzue, baimenak bidaltzeko bi modu daude. Alde batetik taldeko baimena ikastetxe baten bidez parte hartzen baduzue. Gazteleku gisa edo bestelako gazte, kultur, kirol edo gizarte elkarte gisa parte hartuz gero, elkarteak banako baimen guztiak batera bidaliko ditu.

Beraz, beheko partean markatu zein baimen mota den, deskargatu baimenak eta gero Examinar botoia sakatuz, zuen ordenagailuan bilatu eta igo. Ez ahaztu kontakturako pertsona baten datuak ere eman behar dituzula!

Amaitzear gaude! Azkenengo partea bakarrik falta zaigu gure proiektua bidaltzeko!

Kontakturako jarri dugun pertsonaren helbidea, udalerria, probintzia, sakeleko telefonoa eta emaila eremuak bete, eta nahi edota izanez gero, esaiguzue zein den zuen web gunea, Facebook eta Twitter perfilak zein blog-a dituzuen.

Beldur Barik Jarrera Lehiaketaren berri nola izan duzun ere interesatzen zaigu. Eta azkenengo eremua izanik garrantzi gutxiagorik ez duena… Azaroaren 28an Amurrion egingo den Beldur Barik Jarrera Topaketara etorriko zaretela jakin nahi dugu! Eta hantxe ikusi nahi zaituztegu! Topaketaren inguruko informazioa pixkanaka ari gara ematen…Orainarte emandakoa gogoratu nahi? Sakatu hemen.

Beno, eta orain garrantzitsuena gelditzen da.. Bidali/Enviar botoiari eman!!! Zorionak! Zure lana bidean da!!! Galdetegia osorik bete bada, mezu bat azalduko da WEB gunean dena ondo joan dela esanez. Horretaz gain, erantzun automatikoa bidaliko da erreztutako email helbidera baieztatzeko lana jaso dela esanez

Noiz arte dut guzti hau egiteko?

Irailaren 11an ireki genuen lanak jasotzeko epea, eta azaroaren 11an amaituko da… azkar! gutxi falta da eta!

Zalantzarik baldin baduzue,irakurri oinarriak. Oraindik ez bazarete argitzen, idatzi jarrera@beldurbarik.org emailera. Zorte on!
Hurrengo astean zuen proiektuak gure eskuetan izango ditugu… baina oraindik informazio eta pista gehiago emango ditugu lanen inguruan, herri bozkaketaren inguruan… beraz adi!

Pasa den astean galdetegia nola bete behar den azalduko genizuela esan genizuen… baina oraindik denbora dagoenez, nahiago dugu beste gauza bati buruz hitzegiten badugu…

Aurreko post-ean jorratu daitezkeen gaiei buruz solasean egon ginen… baina gakoa gai hoiek Beldur Barik Jarrerarekin jorratzean datza. Indarkeria sexista eta kultura matxista apurtzen duten jarrerak agertzean, azken finean. Lan hauek errespetuan, berdintasunean, autonomian, erantzunkizunean eta indarkeria sexistaren gaitzespen irmoan oinarritutako jokabide eta jarrerak izan behar dira. Zein da zuen Beldur Barik Jarrera indarkeria sexistari aurre egiteko?

Lehiaketan parte hartzen duten proiektuek Beldur Barik Jarrera islatu behar dute. Indarkeria sexistari (bere adierazpen desberdinetan) modu enpoderatzaile eta positiboan aurre egiten dioten jarrerak. Neska eta mutilen arteko harreman parekideak adierazten dituztenak. Genero mandatoak apurtzen dituztenak. Biktima papela erreproduzitzen ez dituzten neskak, autonomia dutenak, askeak direnak. Sexismoarekin bat egiten ez duten mutilak eta beraien papera, gertaera honetan, modu aktiboan kuestionatu eta aurre egiten diotenak.

Kalitate tekniko edo artistikoaren gainetik, mezuaren kalitatea baloratuko da, nesken ahalduntzetik gogoetak eta eztabaidak sortzeko gaitasuna, eta mutilen konpromisioa matxismoaren aurka.

Hurrengo astean galdetegia beteko dugu elkarrekin… zuen bideoa prest duzue?

GOGORATU GUZTI HAU ZUEN BIDEOA EGITERAKO ORDUAN!

ZUEN BELDUR BARIK JARRERA AZALDU!

Ez goaz ezer berririk deskubritzera, jakin badakigu… Dudaren bat bazeneukaten bideoak nola igo informaziari buruz, ziurrenik gidaren bat aurkitu duzuela youtube-n… Baina zuen bideoa gure artean izatea nahi dugunez… ez dago soberan bideoak nola igo behar dituzuen azaltzen badizuegu. Dena den, duda edo galderaren bat baduzue, zalantza barik, Beldur Barik, bidali email bat eta denadelakoa argitzen saiatuko gara!

Gure Lehiaketaren oinarrietan esan dizuegun bezala: Proiektu guztiak, ikus-entzunezko formatuan aurkeztu behar dira, bideo-plataforma baterako esteka bat jarriz (Youtube edota Vimeo).

Youtube-n bideoak igotzeko

Google kontu bat izan behar duzu Youtube-n sartzeko. Gmail helbide bat edota beste Google-en produktu batean sartu bazara, baduzu kontua. Beraz, Youtube-ko zure perfilean sartzeko Google kontua eratzeko helbide elektronikoa sartu eta baita erabili zenuen pasahitza. Google konturik ez baduzu, sortu bat, ez da oso zaila! Gogoratu ere Google kontua ezabatzen baduzu, zure Youtube-ko perfila ere galduko duzula.

Behin gure perfilean sartuta, bideoa igotzeko jarraitu ondorengo pausuak:

• Eskubian, goikaldean (ordenagailuan bazaude) Igo/Subir botoia aurkituko duzu. Sakatu.
• Hemen nahi dugun bideoa igo (ordenagailuan bideoa dagoen lekura joanez edo bideoa aukeratuz –klik eginez bideoan- eta eramanez).
• Hemen pribatutasun (Privacidad) parametroak aurkituko ditugu. Hemen publiko parametroa aukeratu. Horrela guztiok ikusiko dugu zuen lana!

• Zure bideoa iadanik igotzen dago! Hurrengo gauzak kontuan izan Publikatu/Publica botoiari eman baino lehenago!

• Kontuz erabili duzuen musikarekin! Copyleft lizentzia edo zuek sortutako musika erabiltzea gomendatzen dizuegu.
• Youtube-ra igotzeko gomendagarriak diren bideo formatuak: .mov, .mpeg4, .avi, .wmv, .flv. .3gpp, .WebM
• Kodifikazio gomendagarria: .mp4, audio códec-a AAC-LC, bideo códec-a H264 eta fotogramaren bizkortasuna, originala grabatu dugun bezala.

Iadanik zure bideoa Youtube- dago! Zorionak! Orain gure bidaltzea falta da web gunean duzun galdetegian esteka jarriz!

Vimeo plataforman zure/zuen bideoa igotzeko:

Vimeo-ra bideoak igotzeko… kontu bat eduki behar duzu… Kontua baduzu, primeran! Lehenengo pausua ez duzu jarraitu behar. Konturik ez baduzu, erreza da kontu berri bat egitea. Zure izena, posta elektroniko bat eta pasahitza sartu. Listo! Baduzu Vimeo kontua!

Behin kontua duzula, bideoa igo dezakezu! Youtube-n bezala, pribatutasunean, edonork zure bideoa ikusi dezakeela aukeratu.

Bilatu bideoaren artxiboa edo eraman Vimeora.

Bideoa iadanik kargatu denean Gorde/Guardar sakatu. Joan zure perfilera eta hor aurkituko duzu zure bideoa. Esteka kopiatu eta Lehiaketan parte hartzeko galdetegian itsatsi! Eginda!

Gutxiago falta da Lehiaketan parte hartzeko epea ailegatzeko… eta iadanik ailegatu dira hainbat bideo! Ikusi nahi? Sartu Lehiaketa 2015-ra eta hor sakatu Lanak 2015. Eta orain Beldur BArik jarrera duten bideokin gozatzera! Edo zurea publikatu den kuxkuxeatzera!

Hurrengo astean landu ditzazkeen gaien inguruko informazioa luzatuko dizuegu… prest! 3… 2… 1… BELDUR BARIK!

­­­

Barik Lehiaketara aurkezten diren lanek hainbat sari jasotzeko aukera izango dute, beste urteetan bezala!

1.go kategoriako saria: 500 €

1.go kategoriako aipamen berezia: 300 €

2. kategoriako saria: 500 €

2. kategoriako aipamen berezia: 300 €

Saria ikus-entzunezko ekoizpen onenari: 300 €

Herriaren saria: 300€

KATEGORIA BAKOITZEKO BI SARI: LEHEN SARIA ETA AIPAMEN BEREZIA

Hasteko, kategoria bakoitzeko bi sari izango dira. Lanak hobeto baloratu ahal izateko, parte-hartzerako bi kategoria ditugu. Lehenengo kategoria 12-17 urte bitartekoentzat da eta bigarrena 18-26 bitartekoentzat. Kategoria bakoitzeko bi sari mota banatuko dira. Batetik, 500€-ko lehen sari bana eta, bestetik, aipamen berezietarako 300€ko sariak, bai lehen kategorian, bai bigarren kategorian.

HERRIAREN SARIA

Aurten ere, nola ez, Herriaren Saria izango dugu, 300 €-koa. Sari hau bi kategorietako edozeinetan aurkeztutako lanei ematen zaien saria da eta herri bozkaketaren bidez hautatua izango da. Herri-bozkaketan parte-hartu ahal izateko, dena den, lehiaketako antolatzaileek aurretik hautatu dituztenen artean egon behar dira. Herri-bozkaketa azaroaren 21tetik 25era izango da, beraz adi egon!

IKUS-ENTZUNEZKO EKOIZPEN ONENARI SARIA

Ikus-entzunezko ekoizpen onenaren saria Beldur Barik Jarrera! mezua adierazteko kalitatezko baliabideak edota kode artistikoak erabiltzen dituen lanari emango zaio (bi kategorietako edozeinetan aurkeztua).Lehiaketako antolakuntzak saria hutsik izendatzeko eskubidea du.

Ah! Eta gogoratu Beldur Barik Jarrera lehiaketako sarietara haututako lanek, udalerrietako Beldur Barik konkurtsoetan ere, lehiatu dezaketela! Sartu Zure Herria atalean eta hor aurkituko dituzue udalerrietan antolatu diren Lehiaketa Lokalak eta bestelako ekimenak! Sartu Lehiaketa antolatzen dituzten udalerrietan eta sariak zeintzuk diren begiratu!

Oholtzara saria jasotzera igo nahi? Begiratu nola disfrutatu genuen pasa den urtean!

http://beldurbarik.org/2014-galeria-topaketa/

Hurrengo ostiralean Lehiaketaren inguruko argibide gehiago azalduko ditugu! Sariak nortzuk aukeratuko dituzten inguruko informazioa galdu nahi? Adi!

Jakingo duzue iadanik Beldur Barik ikus-entzunezko lehiaketa abian jarri dela, ezta? Pasa den ostiralean, irailak 11, eman genion hasiera. Orain zure parte-hartzea besterik ez da falta. Animatuko zarete? Bai? Hona hemen argibide eta gomendio batzuk:

Parte hartu dezaket?

12-26 urte arteko gaztea bazara… zuretzat eta guretzat berri on bat daukagu… BAIETZ! Parte hartu dezakezula!

Bakarka zein taldeka (elkarte bezala ikastetxeko gela…) aurkeztu zaitezke ere.

Parte-hartzeko bi kategoria daude. Lehen kategoria 12-17 urte bitartekoentzat eta bigarren kategoria, 18-26 urte bitartekoentzat.

Zer aurkeztu dezaket?

Adierazpen artistiko mota oro onartuko da, baldin eta ikus-entzunezko formatuan aurkezten bada: flashmob, kamera aurrean errezitatutako poemak edo irakurritako gogoeta-testuak, argazkiak, argazki-muntaiak, fotonobelak, lipdubak, dantza, film laburrak, animazio proiektuak, proiektuak edo artelanak bideoan aurkeztea, performanceak eta kaleko esku hartzeak, etab. Lanak bideo-plataforma (Youtube edota Vimeo) batera esteka jarriz aurkeztu behar dituzue.

Zenbat lan aurkeztu ditzazket?

Pertsona edo talde bakoitzeko, gehienez, 3 proiektu aurkeztu ditzazkezue.

Ze baldintzak bete behar ditu nire lanak?

• Proposamenek lehiaketaren helburuari erantzun behar diote: indarkeria sexista prebenitzea. Proposamenen edukiek helburuarekin zerikusirik ez badute, edo horren aurka egin zein kalterakoak badira, lehiaketaren antolatzaileek lana ez onartzea erabaki dezakete.
• Proposamenak originalak izan behar dira, hau da, inori plagiatu edo kendu gabekoak. Horren susmorik badago, autoretza frogatzeko eskatu ahalko da.
• Proiektuak ezin izango dira izan beste jaialdi edo lehiaketa batzuetara aurkeztutakoak.
• Piezak euskaraz, gaztelaniaz, bietan, edo beste hizkuntza batean aurkeztu ahal dira (azken kasu horretan, euskarazko edo gaztelaniazko azpitituluekin).
• Proiektuek gehienez 5 minutu iraungo dute, kreditu-tituluak barne.
• Musika edota irudiak erabiliz gero, egile-eskubiderik gabekoak erabiltzea gomendatzen da (hau da, copyleft lizentzia daukatenak, edo zuek sortuak direnak). Egile-eskubideak dituzten abestiak edo irudiak erabiliz gero, parte hartzaileak bere gain hartuko ditu bideoa igo deneko plataformak edo autoretza eskubideak dituenak bideoaren aurka hartutako neurriak. Era berean, egiaztatzen bada jabetza intelektualaren araudiaren urraketa sortu dela, antolakuntzak lana ez onartzea erabaki dezake.
• Lehen esan dizuegun bezala, proiektu guztiak ikus-entzunezko formatuan aurkeztu behar dira, bideo-plataforma baterako esteka bat jarriz(Youtube edota Vimeo).

Erabakita! Pate hartu nahi dut! Nola eman dezaket nire izena?

Oso erraz! Galdetegi edo formulario hau bete behar duzu,

eta behin plataforma bidez igorrita, mezu bat azalduko da WEB gunean adieraziz izen ematea modu egokian egin dela. Horretaz gain, erantzun automatikoa bidaliko da erraztutako email helbidera baieztatzeko lana jaso dela esanez.

Kontuan hartu lehiaketaren parte hartzeko baldintza guztiak betetzen direla egiaztatu arte (lehiaketako oinarrien 4. Atala), Beldur Barik Jarrera!-ko antolatzaileek ez dutela lana Beldur Barik webgunean ez eta sare sozialetan erakutsiko.

18 urte baino gutxiago badituzu, oinarrietako 1 eranskina erantsi beharko duzu formularioan. Guzti hau salbuespen batzuekin:

•             Taldeko lana eskola edo ikasgela gisa aurkezten bada, 2. Eranskina erantsi web bidezko formularioan. Dokumentua betetzearen ardura zentroarena izango da, kontuan izanik ikastetxea dela adingabekoen baimenak kudeatzearen arduraduna.
•             Lana elkarte edo gazteleku gisa aurkezten bada, jardueraren arduraduna jaso behar ditu baimenak eta denak batera bidali.

Pertsonaren edo taldearen izena, kategoria eta udalerria, bideoaren barruan edota Youtube edota Vimeo plataformetako deskribapenean adierazi behar dira.

Sinatutako baimenak web bidez betetako formularioan erantsi beharko dira, dagokion atalera igota.

Noiz arte dut guzti hau egiteko?

Denbora daukazu, lasai! Irailaren 11an ireki genuen lanak jasotzeko epea, eta azaroaren 11an amaituko da.

Informazio gehiagorako ikusi lehiaketaren oinarriak. Hurrengo ostiralean lanetan zer baloratuko den ikusiko dugu. Ez galdu gure post-a!